عالمی بینک اور ایشیائی ترقیاتی بینک رواں سال کے دوران پاکستان کو مجموعی طور پر 3.18ارب ڈالر فراہم کریں گے: اسحاق ڈار

اسلام آباد(نمائندہ ) وفاقی وزیر خزانہ اسحق ڈار نے کہا ہے کہ عالمی بینک اور ایشیائی ترقیاتی بینک رواں سال کے دوران پاکستان کو مجموعی طور پر 3.18 ارب ڈالر فراہم کریں گے۔ گزشتہ روز یہاں ڈونرزکی جانب سے فراہم کردہ امداد کا جائزہ لینے کے حوالے سے اجلاس کی صدارت کرتے ہوئے انہوں نے کہا کہ رواں سال عالمی بنک 1.5 ارب ڈالر اور ایشیائی ترقیاتی بینک 1.68ارب ڈالر فراہم کرے گا۔ وزیر خزانہ نے کہا کہ ڈونرز کی فنانسنگ کے استعمال کا جائزہ لینے کیلیے سہ ماہی بنیادوں پر اجلاس ہونگے۔ اجلاس میں حالیہ ڈونرز کانفرنس میں پاکستان کو امداد و فنانسنگ کی فراہمی کے حوالے سے کیے جانیوالے فیصلوں پر عملدرآمد کے بارے میں فالو اپ ایکشن کا جائزہ لیا گیا۔دریں اثنا آئی این پی کے مطابق پاکستان اور انٹرنیشنل مانیٹری فنڈ کے درمیان قرض کی چھٹی قسط کیلئے تکنیکی سطح کے مذاکرات دبئی میں شروع ہوگئے جن کے اختتام پر55کروڑ ڈالر قرضہ ملنے کی توقع ہے۔

Print Friendly, PDF & Email